بمناسبة رجول الفراخ هيا للكلاب تنفع ولا ماتنفعش ؟؟
اليومين دول مطلعين اننا ممكن ناكل رجول فراخ عشان الفراخ غالية و انها مفيدة و صحية ، بس نسينا ان الكلاب بقالها سنين بتاكلها وعمرها ما اشتكت
طيب هيا رجول الفراخ اصلا ينفع الكلاب تاكلها؟
الاجابة : اه ينفع لكن بضوابط معينة
طيب ايه هيا الضوابط دي ؟؟
اولا ماينفعش تقدمها مطهية .. ليه ؟؟
لانها لما تتعرض للتسخين اثناء عمليات الطهي المختلفة زي السلث القلي او الشوي ، فده بيخلي عظام الرجول ناشف و حادة زي الزجاج
طب ده ممكن يؤذي كلبي في ايه ؟؟
ده ممكن يعمل ثقب في الجهاز الهضمي عند حيوانك الاليف .. لان ده اكنك اكلته زجاج
طيب لو اتقدمت نيئة هل ينفع ؟؟
هو بيكون افضل من الطهي لكن بتكون عرضة لمشاكل الاكل النىء زي الاصابة بميكروبات منها ميكروبات تسبب النزلات المعوية زي بكتريا السالمونيلا و بكتريا الكلوستريديا و بكتريا الكولاي
هل رجول الفراخ مفيدة لكلبي ؟؟
رجول الفراخ هيا مصدر جيد جدا للبروتين المهضو .. كمان تحتوي علي مادتين مهمتين جدا لصحة المفاصل هما الجلوكوزامين والكوندرويتين
كمان بتنظف اسنان الكلب اثناء مضغها .. وبتمده بفيتامينات مهمة ده اذا اتقدمت غير مطهية
كمان سعراتها الحرارية قليلة عشان كدة وزن الكلب مش هيزيد
طب عرفنا ان مش ينفع الكلب ياكلها نيئة او مطهية امال ممكن ياكلها ازاي ؟؟
افضل طريقة لتقديمها للكلب هي اننا نجففها يعني ننشفها في الفرن .. لمدة ٣٠ دقيقة .. لان ده بيشيل الرطوبة من عظم الرجول وبيخليها هشة فبتتكسر بسهولة مع اسنان الكلب وتتحول لمادة مهضومة كليا داخل امعاءه
كتبه
د أسامة مقلد
